Datorren urtean 50 urte beteko ditu Astigar elkarteak sortu zenetik. 50 urte herria egiten eta kultura eraikitzen. Hori dela eta, elkartetik ospakizun esanguratsu hau ospatzeko prestaketekin hasi gara.
Asko eta berriak dira dagoeneko talde eragilea urte osorako programatzen ari den jarduerak: Astigarragako inauteria; haren historiari buruzko dokumentala; Astigarraga 2025 aldizkariaren edizio berezia; herri antzerkia jaien preludio gisa edo kultur astea, besteak beste.
Jarduera horiek koordinatzeko eta herriko elkarteen parte-hartzea sustatzeko, herriko erakunde guztiei bilera ireki bat egingo da urte hasieran.